Aldéas Típicas - Arquitectura Bernácula

Einfainç, Paradela, Aldé Nuoba, San Martino, Bila Chana i Freixenosa, son aldés típicas cun cunstruçones que se ancóntran quaije siempre ligadas al eimaginário de l mundo rural i antimamente binculadas a las gientes, que giraçon atrás de giraçon las fúrun eilaborando sien mais speriénça que la hardada de la própria tradiçon. Ou seia, uas edificaçones que son l prolongamiento de la paisage i se modélan al carácter de l home que las bai habitar.

Nesse sentido, ye lhegítimo tener an cunsideraçon la eideia que na Tierra de Miranda la casa cumplementariza i prolonga la personalidade de las gientes que neilha móran. Homes i mulhieres dotados de grande spírito de sacrifício que son capazes de relegar para un praino secundário ls spácios çtinados al uso habitacional, an fabor de l protagonismo de ls çtinados al armazenamiento i recuolha de ls animales, sobreponendo desta maneira l papel de produtos agrário al de l home social.